Irakaskuntza eta sormena

Irakaskuntza eta sormena izan daitezke nire izaeraren bi zutabeak. Bizitzak irakasgai asko eman dizkit, nire etorkizuneko proiektu giztietan aurrera jarraitzeko baliagarriak izan zaizkidanak. Era berean, jasotako ikaskuntza hori irakaskuntzara eramaten saiatu naiz.

Txikitatik maite izan ditut literatura eta kultura, orokorrean; antzerkian aritzen nintzen, liburutegietan ipunak kontatu, bertso-eskolan umeen irakasle, eta idatzi, idatzi eta idatzi egiten nuen. Idatzi, denataz. Batez ere, nire sentimendu eta emozioei buruz, poztasun eta frustazioen inguruan… ipuin formatuan, antzerki-gidoi modura, edo olerkietako estrofetan. Dena euskeraz, umetatik emana izan zaidan hizkuntzan (gerora, gaztelania ere gehituko nuen).

Ezinegon eta ilusio horiekin irakaskuntzan sartzea erabaki nuen: bi ate jo ondoren, eta hauek irekitzean, parez-pareko bi mundurekin topo eginez. Haur Hezkuntzako irakasle gradua atera nuen eta 12 urte eman ditut irakaskuntzan Haur nahiz Lehen Hezkuntzan. Bitartean, Euskarako C2 hizkuntz eskakizuna lortu nuen eta euskaltegian klaseak emateari ekin nion. Azken irakaskuntza hau klase partikular eta errefortzu klaseekin tartekatzen nuen.

Kazetari lanetan aritzeko aukera ere izan dut Urola Kostako Hitza egunkarian, beti atsegin izan dudan bokazioa. Eta, nola ez, denok haurtxo bat daramagunez barnean, urte askotan antzerkian eta ipuin kontaketetan aritu izan naiz. Ume baten harridura aurpegia mundu honetan dagoen gauzarik ederrena da!!!!!